Оғир атлетика. Ўзбекистон қизлари дунёда етакчи

Халқаро оғир атлетика федерацияси турнир якунларини сарҳисоб қилиб чиқмоқда.

Қизлар ўртасида баҳсларда ўзбекистонликлар энг яхши кўрсаткичга эга бўлишгани қайд этилди. Терма жамоамиздан тўрт атлет супачага кўтарилди. Нигора Абдуллаева ҳамда Кумушхон Файзуллаева учтадан олтин медални қўлга киритган бўлса, Турсуной Жабборова битта олтин ва иккита кумуш медаль билан мукофотланди.

Жами 7та олтин ва 2та кумуш медалга сазовор бўлган ўзбек қизлари умумжамоа ҳисобида энг юксак самарадорликка эришгани таҳсинга лойиқ. Кучли учликдан Туркия (7 олтин ва 4 бронза) ҳамда Мексика (3 олтин, 5 кумуш ва 3 бронза) жой олишди. 

Лас-Вегасдаги чемпионатда қизлар турниридаги мукофотлар 17 мамлакат вакилаларига насиб этди. 9 мамлакат қизлари олтин медаль эгасига айланди.

АҚШдаги жаҳон чемпионатида энг яхши иштирокчи қизга аталган соврин ўзбекистонпик Кумушхон Файзуллаевага топширилгани нур устига аъло нур бўлди.

Мирзаҳаким Тўхтамирзаев,

Лас-Вегас, АҚШ