UZ

Сўнгги янгиликлар

18:15"Кичкина одамни мағлуб этсам, бу менга ҳеч қандай обрў келтирмайди". Шара Буллет Царукян билан эҳтимолий жанг ҳақида 0 18:10Ёшлар ўртасидаги жаҳон чемпионатига қуръа ташланди (Жуфтликлар) 0 17:42Ўзбекистон терма жамоаси Саудия Арабистони устидан ғалабадан сўнг ФИФА рейтингида бир поғона кўтарилди 0 17:05"У афсона". Асу Алмабаев бўлажак рақиби ҳақида фикр билдирди 0 16:29"Энди уларни ҳурмат қилмайман". Собиқ чемпион Нурмагомедов жамоаси ҳақида гапирди 0 15:45Сарсекбаев Қозоғистон ва Ўзбекистонда боксчиларга бўлган муносабатдаги фарқни кўрсатди 0 15:17Япония футбол ассоциацияси собиқ раҳбари ФИФА президентлиги сайловларида иштирок этиш учун ариза топширди 0 14:50UFC'да Асу Алмабаевнинг чемпионлик учун курашиш имконияти ҳақида гапирилди 0 14:24Шаҳрам Ғиёсов барча даврларнинг энг яхши боксчиси ким эканини айтди 0 13:44UFC P4P рейтинги янгиланди: Харрисон Шевченкони ортда қолдирди, Ган Топ-10`да! 0 13:13"Манчестер Сити" Ҳоландни 175 миллион еврога сотишга тайёр 0 12:42Россияни четлаштирган халқаро хоккей федерацияси сайти бузиб кирилди 0 12:11Чимаев чемпионлик унвонини ҳимоя қилади. Рақиб собиқ UFC чемпиони + ПОСТЕР 0 11:40Ўзбекистонда ҳокимларнинг спорт бўйича маслаҳатчиси лавозими жорий этилди 0 11:09Бразилияда қарздорликка қарши жиддий кураш бошланди 0

16 июл 16:37
Янгиликлар

Оғир атлетика

Оғир атлетика. Ўзбекистонда Париж Олимпиадаси учун лицензион мусобақа ўтказилади

2024 йили Парижда ўтадиган ёзги Олимпия ўйинларига йўлланмалар тақдим этадиган қитъа чемпионати Ўзбекистонда ўтказилади.

Бу ҳақда бугун пойтахтимизда якунланган Осиё оғир атлетика федерацияси Ижроия қўмитаси йиғилишида эълон қилинди. 

Бугун 16 июль куннинг биринчи ярмида Спортни ривожлантириш вазирлигида Осиё оғир атлетика федерациясининг навбатдаги Ижроия қўмитаси йиғилиши бўлиб ўтди.

Унда Осиё оғир атлетика федерацияси Ижроия қўмита аъзоси бўлган 11 нафар делегат тўғридан-тўғри, 9 нафар эса онлайн тарзда қатнашди.


Кун тартибига кўра, Осиё оғир атлетика федерацияси президенти Муҳаммад Юсуф Ал Мана қитъада олимпия спорт тури бўлган оғир атлетикани ривожлантириш борасида олиб борилаётган ишлар, ўтказилаётган чемпионатлар хусусида сўз юритиб, Ўзбекистонда бошланаётган ўсмирлар ва ёшлар ўртасидаги Осиё чемпионатида нафақат кучли спортчилар, балки мутахассислар, турли комиссия ходимлари учун ҳам катта тажриба майдони бўлишини билдирди. Тошкент тажрибасини бошқа мамлакатларда ҳам оммалаштириш, андоза олиш, ўрганиш лозимлигини таъкидлади.


Йиғилиш давомида жорий йил 6-16 октябрь кунлари Бахрайн давлатида катталар ўртасида ўтадиган қитъа чемпионатига тайёргарликнинг бориши таҳлил қилинди. Бу хусусда Бахрайн оғир атлетика федерацияси президенти ўз ҳисоботини тақдим этди.

Шунингдек, кун тартибидан жой олган кейинги йиллардаги қитъа чемпионатлари манзилини аниқлаш ижроия қўмита аъзолари диққат эътиборида бўлди.

Билдирилган фикр ва таклифларга биноан ҳамда ўтказилган тақдимотлар асосида Ижроия қўмита аъзоларининг овоз бериши натижасида 2023 йилги ўсмирлар ва ёшлар ўртасидаги қитъа чемпионатини ўтказиш ҳуқуқини Ҳиндистон пойтахти Деҳли, катталар ўртасидаги қитъа чемпионатини қабул қилишни эса Жанубий Кореянинг Чинжу шаҳри қўлга киритди. 

Барчанинг эътиборини тортган масалалардан бири - Париж-2024 олимпия ўйинлари учун йўлланмалар тақдим этадиган 2024 йилги Осиё чемпионати бўлди. Мазкур нуфузли мусобақани ўтказишга Ҳиндистон, Туркманистон ҳамда Ўзбекистон даъвогарлик қилди.


Осиё оғир атлетика федерацияси Ижроия қўмитаси аъзоларининг овоз бериши натижасида Ўзбекистон яна икки йилдан сўнг Олимпия йўлланмалари ўйналадиган қитъа чемпионатини қабул қиладиган мамлакат сифатида танланди.

-Оғир атлетика спортининг халқаро майдондаги ривожида мамлакатимизнинг ўз ўрни бор, албатта. 2024 йилги Олимпия ўйинларига йўлланмалар берадиган қитъа чемпионатининг Ўзбекистонда ўтказилиши бу, спортчиларимиз учун Париж-2024 чиптасини қўлга киритишлари учун катта имконият. Қолаверса, бу чемпионатнинг Ўзбекистонда ўтиши оммавий спорт тарғиботида,  юртимизнинг халқаро спорт майдонидаги обрў-эътиборига ижобий таъсир кўрсатиши билан аҳамиятлидир, - деди Спортни ривожлантириш вазири ўринбосари, Ўзбекистон оғир атлетика федерацияси раисининг биринчи ўринбосари Шаҳрулло Маҳмудов. 

Фикр-мулоҳазаларга бой ўтган Ижроия қўмита йиғилишида Ўзбекистон Республикаси спортни ривожлантириш вазири Адҳам Икромов ҳамда Халқаро оғир атлетика федерацияси президенти Муҳаммад Жолуд фахрий меҳмон сифатида иштирок этиб, иштирокчиларни муборакбод этди.

Бугун куннинг иккинчи ярмида пойтахтимиздаги “Ўзбекистон” меҳмонхонасида Осиё оғир атлетика федерациясининг кенгайтирилган конгресси бўлиб ўтади.

Т. Рўзиев

Ё. Мелибоев суратлари.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг