28 янв 18:42
Янгиликлар
Оғир атлетика
Оғир атлетика. Пойтахтимиз нуфузли мусобақага мезбонлик қилади
9-19 февраль кунлари Тошкент шаҳри оғир атлетика бўйича катталар ўртасида Халқаро бирдамлик мусобақаси ҳамда ўсмирлар ва ёшлар ўртасида Осиё чемпионатига мезбонлик қилади.
“Ўзбекистон” спорт мажмуасида ўтадиган мусобақалар Токио Олимпиадасига лицензион рейтинг очколарини тақдим қилиши унга бўлган қизиқишни янада оширмоқда.
Шу боис ҳам ушбу турнирларда дунёнинг 66 мамлакатидан ташриф буюрадиган полвонлар ғолиблик учун баҳс олиб бориши кутилмоқда. Шунингдек, мусобақа арафасида Осиё оғир атлетика федерацияси Ижроия қўмитасининг ҳам йиғилиши белгиланган.
Айни пайтда Ўзбекистон оғир атлетика терма жамоасининг турли ёш тоифалари мазкур мусобақаларга жиддий ҳозирлик олиб бормоқда. Оғир атлетика ишқибозларини мазкур турнирларни томоша қилишга чорлаб қоламиз.
Ҳавола :
Манба : olympic.uz
Фикрлар