22 дек 08:43
Янгиликлар
Оғир атлетика
Оғир атлетика. Қатар Халқаро кубогида навбатдаги медаль қўлга киритилди
Доха шаҳрида ўтказилаётган оғир атлетика бўйича Қатар Халқаро кубогида терма жамоамиз навбатдаги медалига сазовор бўлди.
Бугун эркаклар ўртасида -73 килограмм вазн тоифасида ўтказилган баҳслар омадли якунланди.
Ушбу вазн тоифасида иштирок этган Достон Ёқубов силтаб кўтариш машқида 181 килограмм натижа билан кумуш медалга сазовор бўлди. Вакилимиз даст кўтариш бўйича 137 кг, икки кураш бўйича эса 318 килограмм билан якунда бешинчи натижани қайд этди.
Ушбу натижа ҳамюртимизга Токио Олимпиадаси йўлида қимматли рейтинг очколарини тақдим қилади. Эслатиб ўтамиз, кеча мусобақа доирасида бошқа бир спортчимиз Муаттар Набиева -55 килограмм вазн тоифасида 3 та олтин медалга сазовор бўлган эди.
Ҳавола :
Манба : olamsport.com
Фикрлар