Оғир атлетика. Ёшларимиз ЖЧдан 16 та медаль билан қайтишмоқда

Бироз аввал қизларимиздан Турсуной Жабборова (-81 кг) 1 та олтин, 2 та кумуш медалларини қўлга киритгани ҳақида хабар берган эдик.

Йигитларимиздан Мирҳосил Мирзабоев ҳам терма жамоамиз ғазнасига 2 та бронза медалини қўшиб қўйди. -96 кг вазн тоифасида супачага чиққан Мирзабоев даст кўтариш машқида 143 кг билан бронза медалига эга чиққан бўлса, икки курашда ҳам шу ўрнини сақлаб қола олди.

Оғир атлетика. Ўсмирлар ўртасида ЖЧ. Лас-Вегас, АҚШ

Йигитлар, -96 кг

1. Рахат Бекболат (Қозоғистон) – 323 кг
2. Ўнур Демирчи (Туркия) – 315 кг
3. Мирҳосил Мирзабоев (Ўзбекистон) – 311 кг

Шунинг билан терма жамоамиз вакилларининг мусобақадаги иштироки якунланди. Полвонларимиз ушбу дунё биринчилигида жами 16 та медаль жамғаришга муваффақ бўлишди. Шулардан 8 таси олтин, 6 таси кумуш, ва 2 таси бронза медалларидир. 

ЖЧда шоҳсупага кўтарилган спортчиларимиз:

Оғабек Нафасов – 2 та кумуш
Нигора Абдуллаева – 3 та олтин
Асадбек Наримонов – 1 та олтин, 2 та кумуш
Кумушхон Файзуллаева – 3 та олтин
Турсуной Жабборова – 1 та олтин, 2 та кумуш
Мирҳосил Мирзабоев – 2 та бронза