Оғир атлетика. Зуҳра Отожонова жаҳон чемпионатидаги иштирокини якунлади

Ҳозиргина катталар ўртасида -49 кг вазн тоифасида аёллар баҳси якунига етди, деб хабар берди Ўзбекистон оғир атлетика федерацияси матбуот хизмати.  

Ушбу гуруҳда супачага кўтарилган ёш спортчимиз белгиланган режа бўйича ишончли ҳаракат қилди. Силтаб кўтариш машқининг охирги уринишида унга бироз тажриба етишмади ва ҳамюртимиз штангани жиловлай олмади. 

Иккикураш натижасига кўра 10-ўрин билан чекланган бўлсада, ушбу жаҳон чемпионати Зуҳра учун улкан тажриба мактаби бўлиб хизмат қилишига ишониб қоламиз!  

Таиландлик Суродчана Камбаога барча рақибларидан бир бош устунлигини исботлай олган бўлса, шоҳсупанинг кейинги икки поғонасига кунчиқар юрт вакилалари кўтарилишди.  

Катталар ўртасида жаҳон чемпионати
Аёллар, -49 кг

1 Камбао Суродчана (Таиланд) - 191 (86+105) кг;

2. Сузуки Рира (Япония) - 179 (78+101) кг; 

3. Такахаши Ибуки (Япония) - 172 (71+101) кг;

10. Зуҳра Отожонова (Ўзбекистон) - 150 (66+84) кг.

Ўзбекистон оғир атлетика федерацияси матбуот хизмати