24 сен 21:13
Янгиликлар

Оғир атлетика

Оғир атлетикачи Диёрбек Эрматов ёшлар ўртасида Жаҳон чемпионига айланди

Шу кунларда Испаниянинг Леон шаҳрида оғир атлетика бўйича ёшлар ўртасидаги Жаҳон чемпионати ўтказилмоқда.

Мусобақанинг бугунги куни доирасида эркаклар ўртасидаги -89 кг вазн тоифасида “А” гуруҳ баҳслари бўлиб ўтди.

Қувонарлиси, ушбу вазн тоифасида юртимиз шарафини ҳимоя қилган Диёрбек Эрматов даст кўтаришда 162 кг натижа билан олтин медалга сазовор бўлди. Вакилимиз силтаб кўтаришда 186 кг (5-ўрин) ва иккикурашда 348 кг натижа қайд этди (4-ўрин).

Аввалроқ, мазкур ЖЧда Нигора Абдуллаева кумуш ва бронза, Ҳусинбой Матрасулов кумуш медални қўлга киритган эди.