23 окт 15:59
Янгиликлар
Оғир атлетика
Оғир атлетикачиларимиз Осиё чемпионатида муваффақиятли қатнашмоқда
КХДР пойтахти Пхеньянь шаҳридаги оғир атлетика бўйича ўсмирлар ва ёшлар ўртасидаги Осиё чемпионати ўзбекистонлик спортчилар учун муваффақиятли ўтмоқда.
Турнирнинг қизлар ўртасидаги баҳсларида-49 кг вазн тоифасида супага чиққан Нигора Абдуллаева даст кўтариш ва силтаб кўтариш машқларида жами 170 кг тошни ўзига бўйсундириб, ўсмирлар ўртасида кумуш ва ёшлар ўртасида бронза медални қўлга киритган бўлса, эркаклар ўртасидаги беллашувларнинг -73 кг вазн тоифасида Ўзбекистон вакиллари олтин ва кумуш медалга эга бўлишди.
Хусусан, ушбу баҳсда икки йўналиш натижасига кўра, 294 кглик натижа қайд этган Асадбек Наримонов турнир ғолибига айланган бўлса, Оғабек Тўхтаев 292 кг тошни ўзига бўйсундириб иккинчи ўрин соҳибига айланди.
Қайд этиш лозим, мазкур мусобақа Токио олимпиадаси учун энг муҳим бўлган олтин очколарни тақдим этиши билан алоҳида аҳамиятга эга.
Ҳавола :
Манба : minsport.uz
Фикрлар