Оғир атлетикачиларимиз Тошкентда ўтадиган Осиё чемпионати олдидан йиғин ўтказиш мақсадида Озарбайжонга жўнаб кетишди

Миллий терма жамоамиз мусобақага пухта тайёргарлик кўриш мақсадида халқаро ўқув-машғулот йиғини ўтказиш учун Озарбайжон пойтахти Боку шаҳрига йўл олди.

Оғир атлетика федерацияси матбуот хизматининг хабар беришича, эркаклар терма жамоамизнинг Озарбайжондаги машғулоти 4 февралга қадар давом этади. Аёллар терма жамоамиз эса Осиё чемпионатига тайёргарликни Чирчиқда давом эттиради.