10 сен 17:52
Янгиликлар

Оғир атлетика

Оғир атлетикачимиз фахрийлар ўртасида жаҳон чемпиони бўлди

Финляндиянинг Рованиеми шаҳрида оғир атлетика бўйича фахрийлар ўртасида ўтказилган жаҳон чемпионатида ҳамюртимиз муносиб натижага эришди.

Жаҳон чемпионатининг -96 килограмм вазн тоифасида иштирок этган Вячеслав Брюков даст кўтаришда 105 кг., силтаб кўтаришда 130 кг. ва икки кураш натижасига кўра, 235 килограмм оғирликдаги тошни бўйсундириб олтин медални қўлга киритди.

Қайд этиш лозимки, ҳамюртимиз ушбу вазн тоифасида Австралия, Буюк Британия ва Финляндия спортчилари билан куч синашиб, уларни доғда қолдирди. Фахрий спортчимиз шарафига Финляндия спорт майдонида Ўзбекистон байроғи кўтарилиб, мадҳиямиз янгради.