Оғир атлетикачимиздан олинган допинг-синамада аниқланган тақиқланган модда юзасидан текширув бошланди

Жумладан, тақиқланган моддаларни истеъмол қилиш ҳолатларига йўл қўймаслик ва бундай ҳолат юз берган бўлса спортчига нисбатан жазо чоралари қўлланилмоқда.

Гап шундаки, жорий йилнинг март ойида ёшлар ва ўсмирлар ўртасида Ўзбекистон чемпионати ўтказилган бўлиб, мазкур чемпионатда 17 ёшли спортчи Мухлиса Абдуллаевадан (2-ўринни эгаллаган) тегишли тартибда допинг-синама олинган эди. Афсуски, олинган допинг-синамада тақиқланган модда аниқланган.

Ўзбекистон Миллий антидопинг агентлиги оғир атлетикачи М.Абдуллаеванинг допинг-синамасида "Тестостерон ва тестостерон прогормонлари" тақиқланган моддалар аниқланганлиги юзасидан ўрганиш ишларини бошлади.

Эслатиб ўтамиз, Бутунжаҳон антидопинг кодекси талабларига кўра, вазият юзасидан ўрганиш ишлари тугашига ва якуний хулоса чиқарилгунга қадар спортчи барча мусобақаларда қатнашишдан вақтинча четлаштириб турилади.