05 апр 16:53
Янгиликлар

Дзюдо

Оғир вазндаги дзюдочиларимиз Осиё-Океания чемпионатига жўнаб кетишди + ФОТО

Икки кун аввал дзюдо бўйича Ўзбекистон терма жамоаси делегацияси Тошкент - Бишкек авиа рейси билан Қирғизистонга жўнаб кетганди.

Бишкек шаҳри 6-9 апрель кунлари катталар ўртасидаги Осиё-Океания чемпионатига мезбонлик қилади. Ушбу нуфузли мусобақада икки қитъанинг жами 30 давлатидан 216 (123 эркак, 93 аёл) нафар дзюдочи қитъа чемпионати медаллари ҳамда Токио Олимпиадасининг муҳим рейтинг очколари учун татамига чиқади. Юртимиз шарафини Илиас Илиадис ва Нелля Киямова мураббийлигидаги 20 нафар дзюдочимиз ҳимоя қилади.

Бироз аввал оғир вазн тоифасидаги дзюдочиларимиз Бишкекка йўл олишди. Осиё - Океания чемпионатида Япония, Жанубий Корея, Мўғулистон, Қозоғистон каби нафақат қитъанинг, балки дунёнинг кучли терма жамоалари асосий таркиблари билан иштирок этади. Осиё чемпиони олтин медал билан бирга 700 рейтинг очкосига ҳам эга бўлади.