15 май 17:10
Янгиликлар

Футбол

ОКМК кеча тарихий ғалабага эришибди

Кеча Суперлиганинг 7-туридан ўрин олган "Локомотив" - ОКМК учрашуви бўлиб ўтганди.

Учрашувда Миржалол Қосимов бошчилигидаги олмалиқликлар 2:0 ҳисобида ғалаба қозонишди. Бунга қадар ОКМК Суперлигада сафарда "Локомотив"ни ҳеч қачон мағлуб этмаганди. Олмалиқ клубининг "темирйўлчилар" майдонидаги статистикаси: 2 дуранг ва 13 та мағлубият эди.

Шу тариқа, кечаги ғалаба ОКМК учун Ўзбекистон чемпионати доирасида "Локомотив" майдонида қўлга киритилган тарихий илк ғалаба бўлди.