07 мар 11:14
Янгиликлар

Гимнастика

Оксана Чусовитина "Ўзбекистон ифтихори" фахрий унвони соҳибаси

Президент Шавкат Мирзиёев 8 март – Халқаро хотин-қизлар куни муносабати билан бир гуруҳ аёлларни мукофотлади.

Мукофотланганлар сони жами 68 нафар бўлиб, улар орасида Гиннес рекордлар китобига киришга муваффақ бўлган афсонавий гимнастикачимиз Оксана Чусовитина ҳам бор. Дунё тарихида еттита Олимпиадада қатнашадиган ягона спортчи "Ўзбекистон ифтихори" фахрий унвони билан тақдирланди.

Эслатиб ўтамиз, Оксана Чусовитина сайтимиз томонидан 2019 йилнинг энг яхши аёл спортчиси номинациясида энг кўп овоз билан мутлақ ғолибликни қўлга киритганди.