Оксана Чусовитинанинг издошлари сараланди

Икки кун давом этган мамлакат биринчилигида юртимизнинг 7 та ҳудудидан 50 га яқин ёш иқтидорли гимнастларимиз ғолиблик учун куч синашди.

Спорт гимнастикаси бўйича ёшлар ўртасида мазкур чемпионат жорий йилдаги энг муҳим мусобақалардан биридир–дейди мусобақа бош ҳаками Э.Ракова– Ғолибликни қўлга киритган спортчилар асосида терма жамоа учун келжакда етакчи номзодлар саралаб олинади.

Дарҳақиқат, спорт гимнастикаси олимпия ўйинлари Дастуридаги энг чиройли спорт турларидан бири ҳисобланади.

Замонавий спорт гимнастикасига 19-аср бошида немис мутахассиси Ф.Л.Ян (Ф.Л.Жаҳн) асос солган. 1973 йил Халқаро олимпиада қўмитаси тасдиқлаган замонавий спорт гимнастикаси дастурига эркаклар ҳамда аёллар ўртасида ўтказиладиган шахсий ва жамоа биринчиликлари киради. Ҳар бир машқда мажбурий ва эркин композиция бўлади.

Спорт гимнастикаси тарихида ҳамюртимиз афсонавий гимнаст, Олимпияда чемпиони, Жаҳон ва Осиё чемпиони, Геннес рекордчиси Оксана Чусовитинанинг ўз ўрни бор.

Бугун якунланган мамлакат чемпионатида жамоавий баҳсларда пойтахтликларга тенг келадиган жамоа топилмади.

Финалда иштирок этган Тошкент шаҳрининг Тошкент 1 жамоаси 98,460 очко билан биринчи, Тошкент 2 жамоаси 94,890 очко билан иккинчи, Самарқанд жамоаси 83,890 очко жамғариб учинчи ўринни қўлга киритишди.

Шахсий биринчиликда ғолиблар рўйхати билан қуйида танишишингиз мумкин.

ФИНАЛ: