Olamsport Шомурод Шофайзиевни табриклайди!

Olamsport.com сайти ижодкорлари Шомурод Шофайзиевни бугунги таваллуд айём билан муборакбод этади ва спортимиз фидоийсига оилавий бахт, фарзандлар камолини кўриб юришини тилайди. 

Эслатиб ўтамиз, шу йилнинг 8 сентябрь куни Украинанинг Одесса шаҳрида Халқаро мукофот – "Олтин мангуст-2018"нинг тақдирлаш маросими ўтказилганди. Унда Шомурод Шофайзиев «Жисмоний тарбия ва спорт ривожига қўшаётган ҳиссаси ҳамда халқлар орасидаги дўстликни мустаҳкамлаётгани учун» номинациясида ташкилотчилар томонидан мукофотланганди.

Осиё ўйинларида олтин медални қўлга киритган эркин курашчимиз Бекзод Абдураҳмонов эса «Жисмоний тарбия ва спорт ривожига қўшаётган ҳиссаси учун» номинациясида тақдирланган эди.

Маълумот учун, «Олтин мангуст» («Золотой Мангуст», «Golden Mongoose») мукофоти спорт соҳасидаги «Оскар» ҳисобланади. Мукофот энг яхши спортчилар, спорт фахрийлари, спорт ривожи ва соғлом авлод тарбиясига ўз ҳиссасини қўшаётган тадбиркор ва сиёсатчиларга берилади.