Olamsport.com сайти талқинига кўра йилнинг энг яхшиларига махсус совринлар топширилди + ФОТО

Унда юртимизда спорт соҳасида фаолият олиб бораётган 19 нафар журналист ва сайтимизнинг телеграмдаги мухлислари иштирок этишганди. 

11 та йўналиш бўйича 20 та овоз якунига кўра ғолиблар аниқланганди. 

Ғолиблар турли мусобақа ва йиғинларда иштирок этганликлари сабабли ушбу жараён бироз кечикди. 

Куни кеча сайтимиз вакиллари совринни ўз эгаларига топширишди. 

Йилнинг энг яхши эркак паралимпиячиси йўналишида Ҳусниддин Норбеков ғолиб бўлди. У ғолиблик учун Темур Гиясов ва Дониёр Солиев билан беллашганди. Якунда жаҳон рекордчиси, жаҳон чемпиони, Паралимпия ўйинлари ғолиби Ҳусниддин Норбеков ғолиб бўлди.  

Энг яхши аёл паралимпиячи йўналишида эса пауэрлифтингчи қизимиз Розахон Қўзиева ғолиб бўлди. Унга мазкур йўналишда Нозимахон Қаюмова ва Нафиса Шерифбаева рақобат кўрсатганди.

Энг яхши ҳакам йўналишида қиличбозлик бўйича ҳакам сифатида фаолият юритаётган Аида Ҳасанова ғолиб бўлди. У ушбу сўровномада Рамзиддин Саидов ва Александр Ҳамидовни ортда қолдирди. 

Энг яхши аёл мураббий сифатида кураш бўйича Ўзбекистон аёллар терма жамоаси мураббийи Дилфуза Раҳматова тенгсиз бўлди. Ушбу йўналишда Раҳматовадан ташқари Дилноза Бакирова ва Лилия Власованинг номзоди қўйилганди.