Ольга Забелинская Тошкентда. У Рустам Шоабдураҳмонов билан учрашди ФОТО

Юртдошимиз бу ерда терма жамоамизнинг қолган вакиллари билан яна бир неча кундан сўнг Жанубий Кореяда бўлиб ўтадиган велотрек бўйича Осиё чемпионатига ҳозирлик кўрмоқда. 

Терма жамоамиз вакилларининг машғулот жараёнларини кўздан кечириш, уларнинг муаммоларига қулоқ тутиш мақсадида Миллий олимпия қўмитаси раҳбари Рустам Шоабдураҳмонов велотрек базасига ташриф буюрди. Суҳбат давомида Забелинская ҳамда Муротжон Холмуродовнинг трек баҳсларида Токио Олимпиадасига қўлга киритиши мумкин бўлган йўлланмалари, бунинг учун керакли шарт-шароитлар яратиб бериш борасида кўрсатмалар берилди. Шунингдек, велоспортни янада тарғиб қилиш йўлида федерация мутасаддилари билан оммавий спорт тадбирларини янада кўпроқ ташкиллаштириш бўйича фикр алмашилди.