Олимжон Назаров WBO камарини ҳимоя қилади, яна уч нафар проф боксчимиз Сеулда рингга кўтарилади

«Cоcybuffalo Promoutions» компанияси томонидан Жанубий Кореанинг Сеул шаҳрида профессионал бокс кечаси ташкил этилмоқда. Оқшом 23 октабрда бўлиб ўтиши режалаштирилган. Кечада Ўзбекистон, Жанубий Корея, Вьетнам ҳамда Филиппин чарм қўлқоп усталари иштирокида 8 та жанг бўлиб ўтади.

Кечанинг андеркардида рингга чиқадиган Олимжон Назаров WBО Оriental камарини ҳимоя қилади.

Аҳамиятлиси, ушбу кечада 4 нафар вакилимиз рингга кўтарилади:

8 раунд

Равшанбек Шерматов (7-1, 2 КО) – Донг-Хо Кеум (6-3-2, 4 КО) (Жанубий Корея) 

Абдулазизбек Нажмиддинов (7, 6 КО) – Сунг-Хён Ким (4-2-2, 3 КО) (Жанубий Корея)

10 раунд

Абдурасул Исмоилов (9-1, 5 КО) – Моо-Хюн Ким (8-1, 3 КО) (Жанубий Корея)

12 раунд

Олимжон Назаров (30-25-5, 14 КО) – Майкл Мендоза (14-11-1-1, 4 КО) (Филиппин)

Марказий тўқнашув аёллар ўртасида бўлиб ўтади. Унда кун чиқар юрт вакиласи Этсуко Тада (26-20-3-3, 7 КО) ўзига тегишли WBО камарини ветнамлик Тху Нхи Нгуяндан ҳимоя қилади. Ушбу жанг 10 раундга мўлжалланган. Вьетнамлик даъвогар боксчи айни пайтда Тошкентда бўлажак жангга тайёргарлик кўряпти.