Олимпиада-2008 чемпиони, Италия байроқдори аукционга 59 та лот қўйди

Федерика ўзига тегишли 59 та буюмни кимошди савдосига қўйди. Ушбу 59 та лот орасида Олимпиада чемпионининг медаль ҳамда совринлари ҳам бор. Аукциондан тушадиган маблағ тўлалигича Италияда коронавирусга қарши кураш учун сарфланади.  

Corriere Dello Sport нашрининг хабар беришича, 2008 йилги Олимпиада медалидан ташқари 2009 йилги жаҳон чемпионатининг олтин медали ҳам аукционга қўйилган. Ўша жаҳон чемпионатида Пеллегрини рекордлардан бирини янгилаган эди.  

Маълумот учун, 12 апрель ҳолатига кўра Италия коронавирус касаллигини юқтириб олиш бўйича дунёда учинчи ўринда бормоқда. Ҳозирда Италияда инфекцияни юқтириб олганлар сони 150 мингдан ошди. Улардан 20 мингга яқини вафот этган.