Олимпиада-2018. Россия ХОҚнинг қарори юзасидан бойкот эълон қилмайди

Маълумки, Халқаро Олимпия қўмитаси (ХОҚ) Россия терма жамоаси спортчиларини 2018 йили Жанубий Кореянинг Пхёнчхан шаҳрида ўтказиладиган Қишки олимпия ўйинларидан четлатган эди.

Шунинг баробарида россиялик спортчилар фақат Олимпия байроғи остида мусобақада иштирок этишлари мумкин. Россия Федерацияси Президенти Владимир Путин ХОҚнинг бу қарорига нисбатан ҳеч қандай муносабат билдирилмаслигини маълум қилди. 

"Спортчиларимиз бир неча йилдан буён Қишки олимпия ўйинларига тайёргарлик кўриб келишаётган эди. ХОҚнинг бу қарори барчамизни карахт ҳолатга солиб қўйди. Биз бу қарорга нисбатан ҳеч қандай чора қўлламаймиз. Ким Олимпия байроғи остида мусобақада қатнашмоқчи бўлса, бунга бизнинг қаршилигимиз йўқ", - деди Путин.