Олимпиада ғолиб ва совриндорлари иштирокида “маҳорат сабоқлари” ташкил этилади

“Олимпия ва паралимпия ўйинларида ғолиб ҳамда совриндор бўлган спортчилар фаолиятини аҳоли орасида кенг тарғиб қилиш чора-тадбирлари тўғрисида”ги (162-сон, 06.04.2022-й.) ҳукуматнинг тегишли қарори қабул қилинди.

Унга кўра, 2021-йил Токиода ўтган олимпиадалар ғолиб ва совриндорлари ҳаёти ва фаолиятини кенг тарғиб қилишга қаратилган “Юрт фахри” номли кўргазмалар ташкил этилади. Кўргазма ҳар йили июл-августда совриндорлар яшайдиган маҳаллаларда ва ноябр-октябрда улар ўқиган таълим муассасаларида бўлиб ўтади.

Кўргазма давомида спортчиларнинг ҳаёти ва фаолияти ҳақида видео ва фотосуратлар экспозициялари ва кўргазмалари бўлиб ўтади, спортчилар иштирокида “маҳорат сабоқлари” ташкиллаштирилади.

Кўргазмани ташкил этиш вазифалари Спортни ривожлантириш вазирлигига топширилди.