30 июн 13:35
Янгиликлар

Спорт курашлари

Олимпиада лицензианти Жавраил Шапиев Каспийск турнири чемпиони!

Доғистоннинг Каспийск шаҳрида эркин кураш бўйича анъанавий халқаро турнир бўлиб ўтмоқда.

Али Алиев хотирасига бағишлаб ўтказилаётган мусобақа ўз тарихида 54-маротаба ташкил этиляпти. Турнирда эркин кураш бўйича терма жамоамиз аъзоси, Париж-2024 Олимпиадаси лицензианти Жавраил Шапиев ҳам муваффақиятли қатнашди.

86 кг вазн тоифасидаги беллашувларда юртимиз шарафини ҳимоя қилган Шапиев чемпионлик шоҳсупасига кўтарилди. У 1/2 финалда чеченистонлик Абдулла Цацаевни 10:7, олтин медаль учун кечган финал беллашувида эса доғистонлик Муҳаммад-Тоҳир Ханиевни 4:0 ҳисобида доғда қолдирди.

Ушбу вазн тоифасида бронза медаллар Алан Найфонов (Алания) ва Али Нуров (Доғистон)га насиб этди.