07 авг 08:16
Янгиликлар

Спорт курашлари, Токио-2020

Олимпиада медалини қабул қилиб олган Бекзод Абдураҳмонов ўз фикрини билдирди

Хабарингиз бор, Токио-2020 Олимпиадасининг спорт курашлари баҳсларида ниҳоят орзиқиб кутилган медаль қўлга киритилди.

Эркин кураш мусобақасининг 74 кг вазн тоифасидаги беллашувларида юртимиз шарафини ҳимоя қилган Бекзод Абдураҳмонов бронза медалига сазовор бўлди. У медаль учун кечган баҳсда қозоғистонлик рақибига ҳеч қандай имконият қолдирмади.

"Аввало, бизни дуо қилиб турган юртдошларимизга миннатдорчилик билдираман. Қолаверса, бизни беш йил давомида Олимпиадага тайёрлаган мураббийларимизга, барча шароитларни бекаму кўст тахт қилиб берган Туризм ва спорт вазирлиги, Миллий олимпия қўмитаси, Ўзбекистон Спорт курашлари ассоциацияси раҳбариятига курашчилар номидан ташаккур изҳор қиламан. Бу медаль жамоаники, барчамизники! Уни мустақиллигимизнинг 30 йиллик тўйига бағишлайман. Ҳаммага эътибор учун катта раҳмат", - дейди Абдураҳмонов.