Олимпиада сари яна бир қадам! Кураш Европа ўйинларида тақдимот қилинади

21 июндан 2 июль кунига қадар давом этадиган қитъа олимпиадасида Европанинг 48 давлатидан келган спортчилар 29 та спорт туридан ғолиблик йўлида баҳс олиб боришади. 

Рим шаҳридаги Европа олипия қўмитасида аланга олган Олимпия машъаласи 1500 км йўл босиб айнан ўша куни  Краковдаги Генрик Рейман стадионига етиб келади. Тинчлик машъаласи ёқилиши Европа ўйинларининг Очилиш маросимининг асосий қисми ҳисобланади.

Мазкур нуфузли спорт байрамини Европанинг 50 мамлакатидаги 70 дан ортиқ телерадиоканаллар ва 20 га яқин нуфузли халқаро телерадиоканаллари орқали тўғридан-тўғри эфирга узатиш режалаштирилган. Европа ўйинлариннг энг муҳим жиҳатларидан бири эса айнан ўйинлар доирасида 30 июнь куни Кураш спорти тақдимоти бўлиб ўтади. 

Халқаро Кураш ассоциацияси, Евпропа Кураш конфедерацияси ва Ўзбекистон Кураш федерациялари ҳамкорликда ташкил этиладиган тақдимот тадбири Кураш бўйича Европа очиқ чемпионати шаклида бўлиб ўтади. Мусобақда аёллар ва эркаклар мутлоқ вазнда беллашадилар. Ғолиблар учун умумий мукофот жамғармаси 7000 еврони ташкил этади. 

Маълумот учун, курашни Евпропа ўйинлари дастурига киритиш бўйича Халқаро Кураш ассоциацияси томонидан Европа олимпия қўмитаси билан музокараларнинг амалий босқичи давом этмоқда.