Олимпиада совриндори Рустам Тўлаганов польшалик рақибга қарши жанг ўтказади

Маълум бўлишича, боксчимиз ўша куни польшалик Норберт Дабровскига қарши рингга кўтарилади. Мазкур рейтинг жанги 8 раундга мўлжалланган.

Маълумот учун, Рустам шу кунгача проф боксда иккита жанг ўтказган ва уларнинг ҳар иккисини ғалаба билан якунлаган (1 та нокаут). Дабровски эса бу борада тажрибали. 32 ёшли боксчи бунгача профессионал рингда 33 маротаба жанг ўтказган. Жангларнинг 23 тасида у ғалаба қозонган (10 та нокаут). 8 маротаба мағлуб бўлган (1 та нокаут). 2 марта дуранг қайд этган. 

Эслатиб ўтамиз, 1 февраль куни Калининградда ўтказиладиган бокс оқшомида бирйўла тўрт нафар боксчимиз жанг ўтказади. Рустамдан ташқари ўша куни Одилжон Аслонов ҳам жанг қилади. Шунингдек Улуғбек Мубинов ва Шукуржон Раҳимовлар проф боксдаги дебютини нишонлайди.