02 июн 20:45
Янгиликлар

Спорт курашлари

Олимпиада совриндори, Токио-2020 лицензианти Магомед Ибрагимовни табриклаймиз!

Бугун эркин кураш бўйича Ўзбекистон терма жамоаси аъзоси, Рио Олимпиадаси совриндори, Токио-2020 олимпия ўйинлари лицензианти Магомед Ибрагимов ўз таваллуд кунини нишонлаяпти.

Тажрибали курашчимиз 1985 йилнинг 2 июнь куни дунёга келган. Касум Насрудинов ва Майрбек Юсупов қўл остида эркин кураш сир-асрорларини ўрганган. Халқаро мусобақаларда -97 кг вазн тоифасида юртимиз шарафини ҳимоя қилиб келмоқда.

Магомед Ибрагимов Рио-2016 Олимпиадасида терма жамоамизга бронза медалини тақдим этган. У 2018 йили Индонезиянинг Жакарта шаҳрида ўтказилган 18-Осиё ўйинларида ҳам бронза медалини қўлга киритган. 2017 йили Дели, 2018 йилда эса Бишкекда Осиё чемпиони бўлган. Шу йил Қозоғистонда ўтган Осиё лицензион турнирида Токио-2020 Олимпиадаси йўлланмасини расмийлаштирди.

Фурсатдан фойдаланиб, Магомед Ибрагимовни бугунги таваллуд куни билан муборакбод этамиз. Унга узоқ умр, сиҳат-саломатлик ва спортда улкан муваффақиятлар тилаймиз.