Олимпиадага учинчи йўлланмани Жавраил Шапиев тақдим этди

Ғуломжон Абдуллаев ва Бекзод Абдураҳмоновдан сўнг Жавраил Шапиев ҳам олимпия ўйинлари йўлланмасини қўлга киритди. 86 кг вазн тоифасидаги беллашувларда юртимиз шарафини ҳимоя қилган Жавраил 1/8 финалда ливанлик Абу Надер Доминикни 7-2, 1/4 финалда тожикистонлик Баҳодур Қодировни 12-1, 1/2 финалда эса мезбонлар вакили, қозоғистонлик курашчи Азамат Даулетбековни 5-2 ҳисобида мағлубиятга учратди ҳамда Олимпиада лицензияси соҳибига айланди. 

Маълумот учун, Жавраил Шапиевнинг Осиё лицензион турнири олтин медали учун кечадиган финал баҳсидаги рақиби хитойлик Дин Зушен бўлади.