22 июл 17:10
Янгиликлар
![](/upload/storage/305788_220.jpg)
ОЛИМПИАДАГАЧА. Ўзбекистоннинг Олимпия ўйинларидаги илк иштироки қандай ўтган? (Мутолаа учун)
АҚШнинг Атланта шаҳрида 1996 йилда бўлиб ўтган турнирда юртдошларимиз тўрт йилликнинг энг нуфузли мусобақасида дебют қилишган. Делегациямиз вакиллари 13 та спорт туридан 71 нафар спортчи билан (63 нафар эркак, 8 нафар аёл) ўйинларда Ўзбекистон шарафини ҳимоя қилган.
Қайси спорт туридан неча нафар спортчи иштирок этган?
Бокс - 7 нафар
Эркин кураш - 6 нафар
Юнон-рум кураши - 4 нафар
Велоспорт - 1 нафар
Спорт гимнастикаси - 2 нафар
Байдарка ва каноеда эшкак эшиш - 13 нафар
Дзюдо - 7 нафар
Енгил атлетика - 10 нафар
Сузиш - 6 нафар
Ўқ отиш - 1 нафар
Теннис - 2 нафар
Оғир атлетика - 5 нафар
Қиличбозлик - 1 нафар
Совриндорлар:
1996 йилги Олимпия ўйинларида 2 нафар юртдошимиз совриндор бўлган. Бокс бўйича 71 кг вазн тоифасида мусобақада иштирок этган Карим Тўлаганов бронза медалини, дзюдо бўйича 86 кг вазн тоифасида Армен Багдасаров турнирда финалга қадар етиб бориб, якунда кумуш медални қўлга киритган. Ўзбекистон ушбу натижа билан медаллар жамғариш бўйича умумжамоа ҳисобида 58-ўринни банд этган. Рейтингнинг биринчи поғонасини АҚШ (44 та олтин, 32 та кумуш, 25 та бронза), иккинчи ўрнини Россия (26 та олтин, 21 та кумуш, 16 та бронза) эгаллаган бўлса, кучли учликка Германия (20 та олтин, 18 та кумуш, 27 та бронза) якун ясаган.
Америкада бўлиб ўтган Олимпия ўйинларида 197 та мамлакатдан 10329 нафар спортчилар иштирок этган. Булардан 6817 нафари эркаклар, 3512 нафари аёллардир.
Ҳабиб Жўрабоев тайёрлади
Фикрлар