Олимпия чемпионлари “Яшил макон” лойиҳасида иштирок этишди + ФОТО

Тошкент шаҳар Сергели тумани “Хонобод” маҳалласида Спортни ривожлантириш вазирлиги, Ўзбекистон Республикаси Бош прокуратураси, Ёшлар ишлари агентлиги, Экология ва атроф муҳитни муҳофаза қилиш давлат қўмитаси, Ўрмон хўжалиги давлат қўмитаси ҳамда Тошкент шаҳар ҳокимлиги ҳамкорлигида “Яшил макон” умуммиллий лойиҳаси доирасида дарахт экиш акцияси ўтказилди.

Мазкур лойиҳада жами 1 000 нафар фаол ёшлар қатнашишди. Лойиҳа доирасида 2 гектар бўш ер майдонига 1 000 дона павлония дарахти экилди.

“Яшил макон” умуммиллий лойиҳасида Олимпия чемпионлари Баҳодир Жалолов, Улуғбек Рашитов, Руслан Нуриддинов, Ўзбекистон Миллий паралимпия қўмитаси раиси Мухторхон Ташходжаев ва қўмита аъзолари ҳамда ёш спортчилар иштирок этишди.

Тадбирда спортчилар эккан дарахтларига ўз исм-шарифларини ёзиб қолдиришди.