UZ

Сўнгги янгиликлар

16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0 20:05Хоригучи Асу Алмабаевга қарши жанг олдидан ўз устунликларини санаб ўтди 0 19:30Футболчи ҳакамга тош отгани учун 8 йилга дисквалификация қилинди 0 18:47Асламжон Ортиқовнинг Асадулла Имангазалиевга қарши реванш жанги тўлиқ давом этди 0 18:12Олимпия ўйинларида эркаклар боксига ҳимоя шлемлари қайтарилиши мумкин 0

19 окт 08:41
Янгиликлар

Олимпия ўйинлари

Олимпия ўйинлари: 206 мамлакат ичида 13-ўринни эгалладик!

Аргентинанинг Буэнос-Айрес шаҳрида III ёзги ўсмирлар Олимпия ўйинлари ниҳоясига етди.

Бугун мусобақанинг сўнгги кун баҳслари ўтказилди. Ўйинлар якунига кўра ўзбекистонлик ёш спортчилар томонидан умумий ҳисобда 16 та медаль қўлга киритилди. Уларнинг 5 таси олтин, 4 таси кумуш ва 7 та бронза медалларидир.

Ўзбекистонлик совриндор спортчилар рўйхати:

Олтин:

Жайҳунбек Назаров (дзюдо, микст)

Кумушхон Файзуллаева (оғир атлетика)

Гулбаҳор Файзиева (байдарка ва каноэда эшкак эшиш)

Умиджон Жалолов (эркин кураш)

Абдумалик Халаков (бокс)

Кумуш:

Улуғбек Рашитов (таэквондо)

Муҳаммадқодир Тоштемиров (оғир атлетика)

Ислом Абдусаломов (байдарка ва каноэда эшкак эшиш)

Шоҳида Аҳмедова (спорт курашлари)

Бронза:

Нилуфар Ермагамбетова (дзюдо)

Индира Ўлмасова (гимнастика, микст).

Долера Давронова (оғир атлетика)

Муҳаммадрасул Раҳимов (эркин кураш)

Жаҳонгир Раҳмонов (бокс)

Дилдора Алиқулова (каратэ)

Тимур Мержанов (бокс).

Маълумот учун, ушбу Олимпия ўйинларида спортчиларимиз янги йўналишларда ҳам медалларга сазовор бўла олдилар. Жумладан, бунгача Ўзбекистон ўсмирлар Олимпиадасида оғир атлетика бўйича хеч қачон олтин медаль қўлга киритмаганди. Шунингдек, қизларимиз ҳам спорт курашлари бўйича медалларга эга чиқишмаган. Байдарка ва каноэда эшкак эшиш бўйича ҳам аввалги Олимпия ўйинларида медаллар олмагандик. Бу сафар эшкак эшувчиларимиз олтин ва кумуш медалларга эга чиқишди.

Ўйинлар давомида спортчиларимиз 16 та медаль қўлга киритишди. Таққослаш учун, 2014 йилги ўсмирлар Олимпиадасида ҳамюртларимиз 10 та медалга эга чиққандилар ва якунда медаллар сифати бўйича 27-ўринни эгаллашганди. Гувоҳи бўлганимиздек, бу сафарги ўйинларда терма жамоамиз ўз позициясини янада яхшилади ва жаҳоннинг 206 мамлакати ичида 13-ўриндан жой олди. Бу орқали Ўзбекистон ўсмирлар Олимпия ўйинларидаги ўз рекордини янгилади.

Бу борада биз Осиёда бешинчи, МДҲда учинчи, Марказий Осиё давлатлари ичида биринчи бўла олдик. Қўшни мамлакатлар ичида энг яқин таъқибчимиз Қозоғистон терма жамоаси 10 та медаль билан (4 та олтин, 3 та кумуш, 3 та бронза) 15-ўриндан жой олди. Қирғизистон эса 3 та медаль (2 та кумуш, 1 та бронза) билан 69-поғонадан ўрин олди. 1 та бронза медалини қўлга киритган Афғонистон вакиллари 90-ўринни эгаллашди. Яна икки қўшнимиз Тожикистон ва Туркманистон терма жамоаси вакиллари медаллар қўлга кирита олишмади.

Рейтинг:    

Фикрлар

   
19 окт 09:33:02
Jasur
яшавор Василий
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг