08 дек 07:52
Янгиликлар
Бокс/ММА
Оливейра Махачев билан реваншни Рамазонга қадар ўтказмоқчи
Енгил вазн тоифасида бразилиялик UFC собиқ чемпиони Чарльз Оливейранинг мураббийи Диего Лима шогирдининг мазкур вазн чемпиони Ислам Махачев билан эҳтимолий реванш жанги ҳақида гапирди.
"Агар UFC Рамазонгача кутишимизни истаса, биз кутамиз. Шошаётганимиз йўқ, биз учун энг муҳими - Чарльзнинг Ислам билан навбатдаги жангини ўтказишидир. Март ойида жанг қилиш бизнинг устувор вазифамиз, лекин Чарльз UFC 299 турнири доирасида, чемпионлик жангида ўз мухлислари олдида камар учун жанг қилишни орзу қилади. UFC 300 турнири учун Конор Макгрегор ва Майкл Чендлер жалб қилиниши мумкин, апрелда эса Рамазон ойи бўлади. Шунинг учун, жанг май ойида, UFC 301 турнирида бўлиши ҳам мумкин", - дея Лиманинг сўзларидан иқтибос келтиради Sherdog нашри.
Эслатиб ўтамиз, улар ўртасидаги илк жанг 2022 йил октябрь ойида ўтказилган. Ўшанда Махачев Оливейрани иккинчи раундда сабмишен орқали мағлуб этиб, енгил вазн тоифасида UFC чемпионига айланган эди.
Ҳавола :
Манба : mma.metaratings.ru
Фикрлар