24 мар 16:01
Янгиликлар

Бокс/ММА

Оливейра UFC`дан Махачевга қарши жанг ташкил қилиб беришларини сўради

Енгил вазнда собиқ UFC чемпиони Чарльз Оливейра амалдаги камар соҳиби Ислам Махачевга қарши реванш жангини ўтказмоқчи.

Бразилиялик аралаш яккакураш устаси UFC матчмейкерлари ва боссларидан Махачевга қарши жанг ташкил қилиб беришларини сўрамоқда.

"Мен Халқаро жанглар ҳафталигида октагонга чиқмоқчиман. Айнан ўша пайтда Ислам ҳам жанг қилмоқчи. Энди қарор қабул қилиш UFC раҳбарларида қолди. Келинглар, бу жангни амалга оширайлик. Уни кўришни ҳамма хоҳлаяпти", - деди Оливейра.

Эслатиб ўтамиз, Оливейра ва Махачев ўртасидаги биринчи жанг 2022 йилнинг октябрида Аьу-Дабидаги UFC 280 турнирида ўтказилиб, унда Ислам рақибини бўғиш усули билан мағлубиятга учратган эди. Чарльз ўзининг сўнгги жангини ўтган йили ноябрь ойида UFC 309 турнири доирасида америкалик Майкл Чендлерга қарши ўтказиб, ғалаба қозонганди.