Олмалиқда белида белбоғи борлар жаҳон чемпионлиги учун курашни бошлади

2002-2004 йилларда туғилган ўсмир ва қизлар ўртасида ўтказилаётган жаҳон чемпионатида Россия, Исроил, Ҳиндистон, Эрон, Украина, Беларусь, Хитой, Швеция каби дунёнинг 30 га яқин мамлакатидан 200 га яқин полвонлар иштирок этяпти. 

Жаҳон чемпионатида   ўғил болалар 42, 45, 50, 55, 60, 65, 71, 77, 85, 95 кг.гача ва 95 кг.дан юқори вазн тоифаларида куч синашса, қизлар 44, 48, 52, 57, 63, 70 кг.гача ва 70 кг.дан юқори вазнда ғолиблик учун баҳс олиб боришади.

Мусобақада ўз вазн тоифаларида 1-ўринни қўлга киритган полвонлар 1500 АҚШ доллари, 2-ўрин соҳиблари 1000 АҚШ доллари ҳамда 3-ўринга сазовор бўлган полвонлар эса 500 АҚШ доллари миқдоридаги пул мукофотлари билан ҳам тақдирланади.