UZ

08 авг 20:49
Янгиликлар

Кураш

Олмалиқдаги жаҳон чемпионати олдидан матбуот анжумани ўтказилди ФОТОГАЛЕРЕЯ

Эртага Олмалиқ шаҳрида белбоғли кураш бўйича Ўзбекистон Республикаси Президенти соврини учун жаҳон чемпионати старт олади.

2002-2004 йилларда туғилган ўсмир ва қизлар ўртасида ўтказилаётган жаҳон чемпионатида Россия, Исроил, Ҳиндистон, Эрон, Украина, Беларусь, Хитой, Швеция каби дунёнинг 30 га яқин мамлакатидан 200 га яқин полвонлар иштирок этади. 

Олмалиқ шаҳридаги “Олмалиқ КМК” спорт мажмуаси мезбонлик қиладиган мусобақа олдидан бугун матбуот анжумани ўтказилди. Унда Бутунжаҳон белбоғли кураш ассоциацияси президенти Гинтаусас Вилейта, Ўзбекистон белбоғли кураш федерацияси раиси Равшан Дастиров ҳамда ўсмирлар терма жамоаси бош мураббийи Усмон Маҳаматов ОАВ ходимларини қизиқтирган саволларига атрофлича жавоб қайтаришди. 

“Тарихи уч минг йилдан зиёд бўлган миллий спорт туримиз бўлган белбоғли кураш бугун халқаро майдонга чиқиб бормоқда. Асрлар оша ўзида мардлик, ҳалоллик, жасорат каби фазилатларни жамлаган ушбу спорт тури 2017 йил Туркманистон пойтахти Ашхобод шаҳрида ўтган Ёпиқ иншоотлардаги ва жанговор санъатлар бўйича Осиё ўйинлари дастурига киритилди. Унда иштирок этган ўзбекистонлик полвонлар терма жамоамизга энг кўп медалларни тақдим этдилар. Эртадан бошланадиган жаҳон чемпионатида ҳам ўсмирларимиз акаларига муносиб издош бўлиб вояга етаётганларини исботлашга уринишади”, - деди Р.Дастиров.

Ўз ўрнида Бутунжаҳон белбоғли кураш ассоциацияси президенти Гинтаусас Вилейта Ўзбекистон нуфузли халқаро мусобақаларни ўтказишда катта тажрибага эга эканлиги, Олмалиқдаги жаҳон чемпионати ҳам юқори савияда ўтиши учун барчар шароитлар муҳайё қилинганига урғу қаратди. Усмон Маҳаматов эса курашчиларимизнинг тайёргарлиги ҳақида батафсил маълумот берди. 

Эслатиб ўтамиз, эртага старт оладиган жаҳон чемпионатида  ўғил болалар 42, 45, 50, 55, 60, 65, 71, 77, 85, 95 кг.гача ва 95 кг.дан юқори вазн тоифаларида куч синашса, қизлар 44, 48, 52, 57, 63, 70 кг.гача ва 70 кг.дан юқори вазнда ғолиблик учун баҳс олиб боришади.

Суратлар муаллифи - Оқил Ғуломов

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг