Олтин медаль учун 99 млн. Самарқандда Осиё ўйинлари ғолиб ва совриндорлари тақдирланди ФОТОГАЛЕРЕЯ

Тадбирда бевосита Самарқанд вилояти ҳоким Эркинжон Турдимов иштирок этиб, спортчиларга мукофотларни топширди. 

Осиё ва Параосиё ўйинларида фахрли ўринларни қўлга киритган спортчилар қуйидаги пул мукофотлари ҳамда эсдалик совғалари билан тақдирланишди:

Олтин медаль учун – 99 миллион сўм, тренерига 66 миллион сўм;

Кумуш медаль учун – 66 миллион сўм, тренерига 33 миллион сўм;

Бронза медаль учун – 33 миллион сўм, тренерига 16 миллион 500 минг сўм.

Умумий ҳисобда тақдирлаш учун 3 миллиард 36 миллион сўм ажратилган.

Маълумот учун, самарқандлик спортчилар Ханчжоу-2022 Осиё ўйинларида 5 та олтин, 5 та кумуш ва 3 та бронза, Пара Осиё ўйинларида эса 2 та олтин ва 6 та бронза медалини қўлга киритган эди.