“Олтин мерган” халқаро турнири давом этмоқда

Дастлабки кун иштирокчилар пневматик милтиқдан ўқ отиш машқларида маҳоратларини ишга солишди. Ўттизга яқин мерганлар ўртасидаги саралаш баҳсларида ҳамюртимиз Вадим Скороваров энг яхши натижани қайд этди. Саидхон Сайфуддиновнинг натижаси эса бешинчи ўринга муносиб топилган.

Аёллар ўртасидаги мусобақаларда эса 31 нафар иштирокчи финал йўлланмаси учун кураш олиб боришди. Қувонарлиси натижаларга кўра яна ўзбекистонлик спортчи энг яхши кўрсаткичга эга бўлди. Терма жамоамиз етакчиси Сакина Мамедова биринчи натижани, ёш спортчимиз Зайнаб Пардабоева учинчи натижани қайд этишган. Халқаро турнир давом этади.