20 окт 11:11
Янгиликлар

Бошқалар

Олтин учун 100 млн сўм ва икки хонали уй. Навоийда Осиё ўйинлари совриндорлари тақдирланди

Хитойнинг Ханчжоу шаҳрида ўтказилган XIX ёзги Осиё ўйинларида навоийлик спортчилар вилоят ҳокимлиги томонидан тақдирланди.

Ханчжоу-2022 Осиё ўйинларида Навоий вилоятидан 10 нафар спортчи иштирок этиб, уларнинг 4 нафари ғолиб ва совриндорлар қаторидан жой олди.

Осиё ўйинларида совриндор бўлган навоийлик спортчилар:

Олтин:

Умид Эсонов (Кураш)

Бронза:

Шаҳризода Мавлонова (Байдарка ва каноэда эшкак эшиш)

Жасур Жалолиддинов (Футбол)

Шерзод Эсанов (Футбол).

Тақдирлаш маросимида Навоий вилояти ҳокими Нормат Турсунов иштирок этди ва Осиё уйинларида олтин медални қўлга киритган Умид Эсоновга 100 миллион сўм пул мукофоти ҳамда икки хонали уй калитини тантанали равишда топширди.

Бронза медалини қўлга киритган Шаҳризода Мавлонова, Жасурбек Жалолиддинов ҳамда Шерзод Эсанов эса 33 млн сўм пул мукофоти билан тақдирланди.