03 дек 10:05
Янгиликлар
Бошқалар, Осиё ўйинлари
Олтин учун 40 млн. Сирдарёда Ханчжоу-2022 Осиё ўйинларининг ғолиб ва совриндорлари тақдирланди
Сирдарё вилояти Гулистон шаҳридаги Ёшлар марказида Хитойнинг Ханчжоу шаҳрида ўтказилган ХIХ ёзги Осиё ҳамда IV параосиё ўйинлари ғолиб ва совриндорларини тақдирлаш маросими ўтказилди.
Тадбирда вилоят ҳокими Акмалжон Махмудалиев иштирок этиб, спортчиларни Осиё ўйинларида эришилган ғалаба билан қутлади.
Осиё ва Параосиё ўйинларида фахрли ўринларни қўлга киритган спортчиларга қуйидаги пул мукофотлари ҳамда ташаккурнома, эсдалик совғалари топширилди:
Олтин медаль учун – 40 миллион сўм
Кумуш медаль учун – 30 миллион сўм
Бронза медали учун – 25 миллион сўм.
Шунингдек, спортчиларнинг 13 нафар мураббийларига ҳам пул мукофоти топширилди.
Маълумот учун, XIX ёзги Осиё ўйинларида сирдарёлик спортчилар 4 та олтин, 5 та кумуш ва 2 та бронза, жами 11 та медални қўлга киритган эди.
Вилоят спортчилари IV Параосиё ўйинларида 1 та олтин, 2 та кумуш ҳамда 4 та бронза, жами 7 та медалга эга чиқишган эди.
Ҳавола :
Манба : t.me/sirdaryosport
Фикрлар