Олтита финиш қайд этилган UFC Fight Night 273 турнирининг барча натижалари

UFC Fight Night 273 оқшомидан жами 12 та жанг ўрин олган бўлиб, уларнинг тенг ярми муддатидан аввал бир томоннинг ғалабаси билан якунланди. Асосий жанг ярим ўрта вазн тоифасида ўтказилди. Унда бразилиялик Гилберт Бёрнс канадалик Майк Мэлоттга қарши октагонга чиқди. Жангнинг учинчи раундида мезбонлар вакили номдор ва тажрибали рақибини техник нокаутга учратди. 

Муҳимлиги жиҳатидан иккинчи жангда канадалик ўта енгил дивизион вакили Чарльз Журдэйн ҳакамларнинг якдил қарори билан америкалик Кайлер Филлипсдан устун келди.

Россиялик аёл жангчи Дарья Железнякова мезбонлар вакиласи Мелиссе Кроденга очколар ҳисобига кўра ютқазиб қўйди. Яна бир рус жангчиси Марк Вологдин дунёнинг энг кучли лигасидаги дебютида америкалик Жон Кастанеда билан дуранг натижа қайд этди.

Бугунги оқшомда Жей Герберт, Марсио Барбоза, Роберт Валентин, Гокхан Сарикам ва Жон Яннис ўз жангларини муддатидан аввал ғалаба билан тугатишди. 

UFC Fight Night 273 турнирининг тўлиқ натижалари:

Майк Мэлотт Гилберт Бёрнсни техник нокаутга учратди (зарбалар) – 3-раунд, 2:08

Чарльз Журдэйн Кайлер Филлипсни очколар ҳисобига кўра таслим этди (29-28, 29-28, 29-28)

Жей Герберт Манделя Наллони техник нокаут эвазига ютди (зарбалар) – 1-раунд, 2:05

Жасмин Ясудавичус рақибаси Карин Сильвадан очколар ҳисобига кўра устун келди (29-28, 29-28, 29-28)

Гэйж Янг Тьяго Мойзесни ҳакамларнинг айри қарори билан енгди (28-29, 29-28, 29-28)

Прелим кард жанглари

Марсио Барбоза Деннис Бузукьюни нокаутга учратди (зарба) – 1-раунд, 1:20

Роберт Валентин Жюльен Лебланни сабмишн ҳисобига ютди (ортдан бўғиш) – 1-раунд, 2:22

Гокхан Сарикам Таннер Босерни техник нокаут эвазига мағлубиятга учратди (зарбалар) – 2-раунд, 4:43

Мелисса Кроден Дарья Железняковани ҳакамлар қарори эвазига таслим этди (29-28, 29-28, 29-28)

Жей Жей Олдрич рақибаси Жейми-Лин Хортдан очколар бўйича устун келди (29-28, 29-28, 29-28)

Жон Кастанеда - Марк Вологдин жангида дуранг натижа қайд этилди (29-27, 28-28, 28-28)

Жон Яннис Жейми Сирайяни техник нокаутга учратди (қўл ва тирсакда зарбалар) – 1-раунд, 2:43