O’Мэлли: "Сонг – Мераб учун катта муаммо, уларнинг жангини кўришни истайман"

Америкалик аралаш яккакураш устаси Шон O’Мэлли айнан шундай фикрда. 

"Мен Сонг ва Мераб жангини кўришни истайман. Мен буни ҳатто ўзим Мераб билан жанг қилишимдан олдин, бир неча йилдан бери айтиб келаман: "Сонг – Мераб учун катта муаммо". Агар Мераб чемпионлик унвонини қайтариб олса, унга Сонг билан жанг ташкил қилиш керак", — деди Шон ўзининг YouTube каналидаги навбатдаги видеода.

Агар 24 октябрь куни Абу-Дабида бўлиб ўтадиган UFC 333 турнирида Петр Ян Мераб Двалишвилини мағлуб этиб, чемпионлик камарини сақлаб қолса, унинг навбатдаги рақиби россиялик ва хитойлик жангчилар устидан ғалаба қозонган Шон O’Мэлли бўлади. Шу билан бирга, O’Мэллининг Двалишвили билан чемпионлик жангини ўтказиш имконияти жуда паст, чунки у бунга қадар унвон учун бўлган жангларда унга икки марта мағлуб бўлган.