Ўн бир нафар дзюдочимиз Осиё чемпионатининг медаллари учун татамига чиқади

Бугун ўғил болалар ўртасида -60, -66, 73 кг, қизларда эса -48, -52, -57 ва -63 кг вазн тоифаларида ғолиб ҳамда совриндорлар аниқланади. Бугунги беллашувларда Ўзбекистон ёшлар терма жамоасининг 12 нафар дзюдочиси медаллар йўлида баҳсларга киришганди. Улардан 11 нафари кечки финал дастурида Осиё чемпионати медаллари учун татамига чиқиш ҳуқуқини қўлга киритди. 

Еттита вазндан 6 тасида дзюдочиларимиз олтин медаль учун курашади. Финал дастури бизнинг вақт билан соат 15:00да бошланади.

Олтин медаль учун финал жуфтликлари:

-52 кг: Сўғдиёна Рафкатова – Шен И-Си (Хитой Тайпейи)

-57 кг: Райҳона Маматова – Шаҳин Даржада (Ҳиндистон)

-63 кг: Нигина Сапарбоева – Токас Ҳиманши (Ҳиндистон)

-60 кг: Самариддин Қўчқоров – Кайрат Женгиссули (Қозоғистон)

-66 кг: Дилшодбек Ҳамроев – Ли Жун Ҳьюн (Корея Республикаси) 

-73 кг: Бунёд Сафаров – Ким Йонг Мин (Корея Республикаси)

Бронза медаллари учун баҳслар:

-48 кг: Руҳшона Алишерова – Жунг Су Жин (Корея Республикаси)

-48 кг: Севинч Муродова – Луиза Асакеева (Қирғиз Республикаси)

-57 кг: Моҳинур Аллаберганова – Сон Чае Йонг (Корея Республикаси)

-60 кг: Асадбек Мисиров – Абдулраҳман Ал Саяри (Саудия Арабистони) 

-73 кг: Муҳриддин Маъруфов – Амирҳоссейн Вализадеҳ (Эрон)