Ўн иккита "финиш" қайд этилган UFC Fight Night 291 турнирнинг барча натижалари

Канадалик ярим ўрта вазн тоифаси вакили Майк Мэлотт Эдмонтон шаҳрида бўлиб ўтган UFC Fight Night 291 турнирининг асосий жангида америкалик Хоакин Баклини мағлуб этиб, дивизион Мета-рейтингининг кучли ўнталигидан жой олди.

Жанг тақдири иккинчи раунд ўрталарида ҳал бўлди: Бакли ҳужумга ўтганида, Мэлотт уни қарши зарба билан кутиб олди ва тизза билан жағига берилган зарба эвазига нокаутга учратди.

Рейтингнинг саккизинчи рақамли жангчисини мағлуб этган 34 ёшли Майк Мэлотт кетма-кет бешинчи ғалабасини қўлга киритди ва дивизионнинг кучли бешлигидаги рақиблар билан жанг қилишга тайёрлигини маълум қилди.

Турнирнинг иккинчи асосий жангида канадалик Жасмин Ясудавичус ўз ватандошларини хурсанд қилди. У уч раунд якунига кўра америкалик Эрин Бленчфилдни мағлуб этиб, UFC`нинг энг енгил вазн тоифасидаги чемпионлик унвони учун асосий даъвогарлардан бирига айланди.

Канададаги турнирнинг қолган ўн битта жангида ҳакамлар қарорига эҳтиёж қолмади. Кристиан Перес, Марк-Андре Баррио, Тимоти Куамба, Мандел Налло, Таннер Босер, Ник Галанти, Жоэл Фаглер, Кетлин Серминара, Стивен Кослоу, Челси Чандлер ва Су Янг Ю ўз жанглари муддатидан олдин ғалаба қозонишди.

UFC Fight Night 291 турнирининг барча натижалари:

Асосий кард жанглари

Майк Мэлотт Хоакин Баклини нокаут (тиззада зарба) қилди – 2-раунд, 2:32

Жасмин Ясудавичус рақибаси Эрин Блэнчфилдни ҳакамларнинг якдил қарори билан енгди (29-28, 29-28, 29-28)

Кристиан Перес Кайл Нельсонни нокаутга (зарбалар) учратди – 1-раунд, 0:27

Марк-Андре Баррио Кайл Дакасни техник нокаут (тирсакда зарба) эвазига енгди – 1-раунд, 4:28

Тимоти Куамба Луис Журдэйнни сабмишн (бўйин) қилди – 2-раунд, 2:48

Мандель Налло Нейт Ландверни техник нокаут (оёқда зарба) билан ютди – 2-раунд, 0:47

Прелим кард жанглари

Таннер Босер Жоната Динизни техник нокаут (зарбалар) эвазига таслим этди – 3-раунд, 4:26

Ник Галанти Жюльен Лебланни сабмишн (бўйин) қилди – 1-раунд, 1:26

Жоэл Фагльер Жавад Махжубни техник нокаутга учратди (зарбалар) – 2-раунд, 2:11

Кэтлин Серминар рақибаси Маккензи Стиллердан техник нокаут (зарбалар) эвазига устун келди – 1-раунд, 4:46

Стивен Кослоу Чед Анхелигерни сабмишн (ортдан бўғиш) эвазига ютди – 3-раунд, 4:31

Челси Чендлер рақибаси Мелисса Кроденни сабмишн (кимура) қилди – 1-раунд, 4:52

Су Янг Ю Коди Ховансекни сабмишн (кимура) ҳисобига мағлубиятга учратди – 3-раунд, 4:19