Ўнта давлат қатнашаётган қиличбозлик бўйича халқаро турнирнинг биринчи кунидан ФОТОРЕПОРТАЖ

Ушбу нуфузли мусобақада Ироқ, АҚШ, Туркия, Филиппин, Италия, Боливия, Эрон, Беларусь, Қозоғистон, Ўзбекистон каби давлатларнинг спортчилари ўз маҳоратларини намойиш этмоқда.

Кеча эркаклар ўртасида рейтинг очколарини тўплаш учун яккалик баҳслари бўлиб ўтди. 31 нафар спортчи иштирок этган мусобақада 13 нафар вакилларимиз ҳам ўз омадларини синаб кўрди.

Қизғин ва муросасиз ўтган баҳслар натижасида вакилларимиз Муҳаммад Юсуф Асранов ва Ахмадиллохон Солихожиев бронза медалларига эга бўлдилар. Биринчи ва иккинчи ўрин АҚШ ва Беларусь давлатлари спортчиларига насиб этди.

Бугун қизларимиз қимматли рейтинг очколари учун беллашадилар.

Суратлар муаллифи - Алимурод МАМАДАМИНОВ, ўз мухбиримиз