ООК 46-Бош ассамблеяси доирасида мамлакатимизга ташриф буюрган Осиё Паралимпия қўмитаси президенти Мажид Рашид билан учрашув бўлиб ўтди

Тадбирлар доирасида куни кеча мамлакатимизга ташриф буюрган Осиё Паралимпия қўмитаси президенти Мажид Рашид ҳамда Спорт вазири Адкҳам Икрамов, Миллий Паралимпия қўмитаси раиси Мухторхон Ташходжаев, қўмита раисининг биринчи ўринбосари Шаҳноза Мирзиёева ҳамда Миллий Олимпия қўмитаси раисининг биринчи ўринбосари Отабек Умаров иштирокида учрашув бўлиб ўтди.

Учрашув давомида БААнинг Дубай шаҳрида ўтказилган V параосиё ўйинларида тарихий натижа қайд этган Ўзбекистон спорт делегацияси ютуқлари яна бир бор эътироф этилди. 

Хусусан, мусобақада Ўзбекистон терма жамоаси аъзолари 125 та олтин, 77 та кумуш, 52 та бронза медал билан умумжамоа ҳисобида Осиё қитъасида 1-ўринни эгаллаганлиги юртимизда параспорт турларига қаратилаётган юксак эътибор натижаси эканлиги алоҳида таъкидланди.

Шунингдек, Олимпия шаҳарчасида параспортчилар учун яратилган шароитлар, машғулотларни тўлиқ ва хавфсиз ўтказишлари учун яратилган инфратузилма ҳақида маълумот бериб ўтилди.   

Шу билан бирга, параспорт турларини ривожлантиришда халқаро тажрибаларни ўрганиш, Осиё паралимпия қўмитаси билан ҳамкорликни янги босқичга олиб чиқиш ва биргаликда янги лойиҳаларни амалга ошириш борасида фикр алмашилди.