ООК дастури асосида дзюдо мураббийлари ва ҳакамлари учун семинар бошланди ФОТОРЕПОРТАЖ

Шу кунларда пойтахтимиз Осиё Олимпия Кенгашининг (ООК) “Тренер ва ҳакамлар фаолиятини ривожлантириш” дастури асосида спортнинг бокс, дзюдо, сузиш, оғир атлетика ва спорт курашлари турлари бўйича ўқув курслари бўлиб ўтмоқда. 

Ўзбекистон Республикаси Спортни ривожлантириш вазирлиги ҳамда Миллий Олимпия қўмитаси билан ҳамкорликда ташкил этилаётган мазкур тадбир ООКнинг қитъада Олимпизм тарғиботини янада кучайтириш, илм-фан соҳасида эришилган янги ютуқлар, жорий этилган янги қоидалар билан барчани хабардор қилиш каби мақсадларда йўлга қўйилган. 

Халқаро семинарда ҳар бир давлатдан дастурдаги спорт турлари бўйича 2 нафардан мураббий ва ҳакам қатнашиб, иштирокчиларнинг умумий сони 280 нафарни ташкил этяпти.

Хусусан, бугун куннинг биринчи ярмида Ўзбекистон дзюдо федерацияси қошидаги дзюдо залида ана шундай амалий семинарларнинг бири бошланди. Семинарга Армен Багдасаров бошчилик қиляпти.     

Семинар битирувчилари ООКнинг махсус сертификатлари билан тақдирланади. Бироздан сўнг, соат 15:00дан семинар ўз ишини давом эттиради.