ООКнинг 91-Ижроқўм йиғилиши бўлиб ўтди

Онлайн форматда ташкил этилган йиғилишда қитъамиз спортига оид қатор масалалар муҳокама қилинди. Унда Осиё Олимпия кенгаши вице-президенти, Ўзбекистон МОҚ раисининг биринчи ўринбосари Отабек Умаров, Миллий Олимпия қўмитаси Бош котиби Ойбек Касимов ҳам қатнашишди.

Ушбу 91-Ижроқўм йиғилишида Asian Boxing ташкилотининг ООК томонидан вақтинчалик тан олиниши бўйича қарор қабул қилинди. Шунингдек, ООКнинг Спорт, Гендер тенглик ва Халқаро алоқалар қўмиталарининг ҳисоботи тингланиб, сунъий интеллект ва рақамлаштириш билан шуғулланадиган “Tencent Co.” ва ООК ўртасида ўзаро ҳамкорлик бўйича келишувга эришилди. 

Қолаверса, ООК ва Баҳрайн ўртасида III ёшлар Осиё ўйинларини ўтказиш бўйича шартнома имзоланиб, Харбин-2025 қишки Осиё ўйинларини ташкил этиш билан боғлиқ масалалар ҳам кўриб чиқилди. Якунда Ижроқўм томонидан 2024 йил якунлари ва 2025 йил режаларига ҳам тўхталиб ўтилди.