30 янв 07:22
Янгиликлар

Ўқ отиш

Ўқ отиш бўйича ҳамюртимиз Жаҳон кубогида олтин медални қўлга киритди!

Индонезияда ўқ отиш бўйича Жаҳон кубоги бўлиб ўтди.

Мазкур Жаҳон кубогида Ўзбекистон терма жамоаси аъзоси Муҳаммад Камолов ҳам муваффақиятли иштирок этди.

Камолов кеча мусобақанинг 10 метрга тўппончадан ўқ отиш дастурида иштирок этиб, олтин медални қўлга киритди. Олтин медаль учун баҳсда ҳамюртимиз туркиялик Муҳаммад Келесдан устун келди.

Таъкидлаш жоиз, мазкур ғалаба ўзбекистонлик спортчиларнинг Жаҳон кубоги ушбу йўналиши доирасидаги илк ғалабасидир. Ушбу ғалаба орқали Муҳаммад Камолов жаҳон ва Олимпиада рейтингида ўз ҳисобига 2000 очко қўшиб олди.

1. Муҳаммад Камолов (Ўзбекистон)
2. Муҳаммад Келес (Туркия)
3. Муҳаммад Прабова (Индонезия).