Ўқ отиш. Ўзбекистон чемпионатининг Тошкент шаҳар босқичи старт олди

Мусобақада спортчилар пневматик тўппонча ва милтиқлардан нишонга ўқ узиш бўйича ўзаро беллашмоқдалар. Ғолиб ва совриндорлар номи эртага маълум бўлади. Ғолиблар 15-22 июнь кунлари ўтказиладиган Ўзбекистон чемпионатида қатнашиш ҳуқуқини қўлга киритадилар. Вилоятларда мазкур мусобақаларга саралаш вазифасини ўтовчи баҳслар ўтказилмоқда.

«Ўзбекистон Миллий олимпия қўмитаси томонидан ҳар бир спорт федерациялари олдига терма жамоа учун энг муносиб номзодларни саралаб олиш вазифасини қўйган. Ушбу беллашувлар орқали халқаро мусобақаларда юртимиз шарафини ҳимоя қилувчи спортчилар аниқлаб олинади», – деди Ўзбекистон ўқ отиш спорти федерацияси бош котиби Ж.Атабуллаев.