08 май 18:10
Янгиликлар
Ўқ отиш
Ўқ отиш. Қашқадарёда байрамга бағишланган турнир ўтказилди
Қашқадарё вилоятида ҳаволи милтиқдан ўқ отиш бўйича мусобақа бўлиб ўтди.
Мусобақа давомида ВП1 машқида Рашид Жалилов биринчи ўринни эгаллади. Иккинчи ва учинчи ўринлар мос равишда Акмал Эгамбердиев ва Шаҳзод Қўзибоевга насиб қилди.
Қизлар ўртасида эса Сабрина Йўлдошевага тенг келадиган рақиб топилмади. Иккинчи ўриндан Маржона Йўлдошева жой олган бўлса, кучли учликка Юлдуз Жабборова якун ясади.
Мусобақа якунида спортчилар иккинчи жаҳон уруши қатнашчиси, Яккабоғ туманида яшовчи Шукур бобо Хушвақтов билан учрашишди. Уч авлод учрашувида иккинчи жаҳон уруши вақтида ўзбек халқининг матонати, ўзбек ўғлонларининг жасорати ёдга олинди.
Ҳавола :
Манба : olamsport.com
Фикрлар